القرارات الكاملة والأخيرة عن امتحانات الثانوية العامة
ملخص تصريحات وزير التربية والتعليم رضا حجازي خلال المؤتمر الصحفي
📢 تصريحات الدكتور رضا حجازي وزير التربية والتعليم والتعليم الفني خلال مؤتمر الثانوية العامة
القرارات الكاملة والأخيرة عن امتحانات الثانوية العامة
= ٧٠٪ من أسئلة كل مادة بسيطة ومتوسطة المستوى و٣٠٪ مستويات عليا.
= كل سؤال في الامتحان هيكتب جمب منه الدرجة بتاعته.
= كل لجنة هيكون فيها أربع نماذج من نفس الامتحان (أ ، ب ، ج ، د) الاختلاف الوحيد بينهم.. ترتيب الأسئلة مش زي بعضها، يعني السؤال الأول هنا هيكون السؤال رقم ٢٠ عند زميلك.. وهكذا.
= تقليل عدد الأسئلة لجميع المواد وفيه مواد هيكون فيه سؤالين اتنين مقالي والباقي كله اختيار من متعدد.. ملحوظة (عدد أسئلة كل مادة في الصور المنشورة تحت 👇)
= كل سؤال مقالي هيتصحح من خلال اتنين مصححين.. لو واحد قال الطالب ياخذ درجة واحدة والتاني قال الطالب ياخذ درجتين هيكون فيه مصحح تالت يفصل بينهم ويدي الطالب درجة السؤال.
= بالنسبة لأسئلة الاختيار من متعدد.. تصحيحها إلكتروني ولكن هيكون فيه تصحيح يودي لعدد من أوراق الإجابات في كل كنترول علشان يتأكدوا إن نتيجة التصحيح الإلكتروني مطابقة للتصحيح اليدوي مفيهاش غلطة واحدة.
= لجنة من متخصصين في كل مادة لمراجعة نموذج الأسئلة ونموذج الإجابة يوم كل امتحان.. للتأكد من عدم وجود أخطاء أو إجابات متشابهة أو متطابقة بأسئلة الاختيار من متعدد أو أسئلة خارج إطار المنهج.. وفي حال اكتشاف أي خطأ سيصدر القرار لصالح الطلاب فورا.
= هيكون فيه باركود على البابل شيت وورقة الإجابة للأسئلة المقالية مع بيانات الطالب، وأسفل الورقة لضمان حق الطالب وضمان عدم تبديل الورق، وعند التظلم على النتيجة الطالب هياخد صورة كراسة الأسئلة وصورة ورقة الإجابة به، ونموذج الإجابة اللي اتصحح منه.
= لن يتم عقد الامتحانات في لجان امتحانات الثانوية العامة اللي حصل فيها قبل كدة غش جماعي، أو شغب.
= تغطية جميع لجان الامتحانات بمختلف أنحاء الجمهورية بكاميرات مراقبة لرصد أعمال الغش.
= حرمان أي طالب من الامتحان لمدة سنة ورسوبه هذا العام لو اتمسك معاه تليفون داخل اللجنة حتى لو كان مغلق.
= مفيش تحسين مجموع في الثانوية العامة السنادي.
= منع وجود نفس عمال المدرسة داخل لجنة الامتحانات ونقلهم إلى لجنة مدرسة أخرى لتورط بعضهم في تسهيل دخول التليفونات السنوات الماضية.
= إعادة تصحيح إجابات طلاب اللجنة كاملة لو بلغ رئيس اللجنة إنه حصل عنده غش جماعي ومعرفش يسيطر عليه، وسيتم كشف الغش الجماعي ومعاقبة الطلاب المتورطين فيه وإلغاء نتيجتهم ورسوبهم، بدون محاسبة رئيس اللجنة طالما أبلغ عن الطلاب من نفسه.
= استمرار التعريب بامتحانات الثانوية العامة لطلاب مدارس اللغات وللطالب الحق في الإجابة على الامتحان باللغة اللي عايزها.. عربي ماشي إنجليزي ماشي.
= اللي ياخد لون بوكليت معين في يوم ورجع أخد بوكليت تاني يوم بلون مختلف.. عادي جدا.. لون ورقة الأسئلة ملوش علاقة بالامتحان خالص.
= الامتحانات في معادها ١٢ يونيو ومفيش أي تغيير في الجدول.
= هتاخد بوكليت الأسئلة وهتاخد ورقة إجابة البابل شيت وهتاخد ورقة ملزوقة في البابل شيت تجاوب فيها على الأسئلة المقالية.. لكن في البابل شيت هتحارب فقط على أسئلة الاختيار من متعدد.. السؤال الأول إجابات (ب) هتروح على البابل شيت تظلل الدايرة اللي قصاد حرف (ب).. وهتلاقي تحت في الصورة.. صورة البابل شيت وصورة ورقة الإجابة على الأسئلة المقالية.
= لو في ورقة الإجابة على الأسئلة المقالية لقيت مكتوب إجابة السؤال رقم كذا وتحت من الجملة دي سطرين فاضيين (زي الصورة كدة).. يبقى متجاوبش بأكتر من سطرين لأن إجابة السؤال ده سطرين فقط.
= ٩٠٪ من الأسئلة المقالية في الثانوية العامة إجابتها سطرين فقط.. متكتبتش أكتر من كدة طالما متحدد لك سطرين للإجابة على السؤال.
= الصور دي فيها: عدد أسئلة كل مادة ودرجاتها وكام سؤال اختياري وكام سؤال مقالي في كل مادة.. وفيها كمان صورة ورقة الإجابة.
توزيع درجات ثانوية عامة 2023
الثانوية العامة 2023:-
**********************
#توزيعة اسئلة اللغة العربية
أسئلة مقالية
٤ أسئلة ومجموع درجاتها (١٠ درجات)
- سؤال واحد تعبير (٤) درجات
- ٣ اسىلة مقالية (كل سؤال بدرجتين)
أسئلة موضوعية:
(٥١) سؤال بمجموع ٧٠ درجة
- ٣٢ سؤال (درجة واحدة)
- ١٩ سؤال (درجتان)
#عدد اسئلة امتحان اللغة الإنجليزية للثانوية العامة بعد التخفيف هو 37 سؤال
٣٤ سؤال اختيارى
موزعين كالاتى
٢٦ سؤال بدرجه
٨ اسئلة بدرجتين
+ المقال ٤ درجات + ٢ سؤال قصة ٤ درجات
#عدد اسئلة امتحانات الثانوية العامة في المواد العلمية (الكيمياء - الفيزياء - الأحياء - الجيولوجيا)
٤٦ سؤال مقسمين كالأتى
أ- اسئلة الاختيار من متعدد (٤٤ سؤال)
٣٢ سؤال (كل سؤال بدرجة) = ٣٢ درجة
١٢ سؤال (كل سؤال بدرجتين) = ٢٤ درجة
ب- أسئلة المقال (سؤالين فقط)
٢ سؤال (كل سؤال بدرجتين) = ٤ درجات
لا تغيير في الدرجة الكلية (٦٠ درجة) ولا تغيير في زمن الامتحان (٣ ساعات)
#عدد اسئلة امتحانات الثانوية العامة في المواد الأدبية (تاريخ - جغرافيا - فلسفة - علم نفس)
٤٦ سؤال مقسمين كالأتى
أ- اسئلة الاختيار من متعدد (٤٤ سؤال)
٣٢ سؤال (كل سؤال بدرجة) = ٣٢ درجة
١٢ سؤال (كل سؤال بدرجتين) = ٢٤ درجة
ب- أسئلة المقال (سؤالين فقط)
٢ سؤال (كل سؤال بدرجتين) = ٤ درجات
لا تغيير في الدرجة الكلية (٦٠ درجة) ولا تغيير في زمن الامتحان (٣ ساعات)
بالتوفيق والنجاح لجميع الطلاب والطالبات بإذن الله.
ملخص المؤتمر
دليل الطالب لامتحان شهادة إتمام الدراسة الثانوية العامة للعام الدراسي 2022/2023....إضغط هنـــاااااا
نحن نعدكم بالتميز والإنفراد بفضل الله وتوفيقة،💕 آذكروني بدعوه لعلكم أقرب مني إلى الله منزلةً
نحن نعدكم بالتميز والإنفراد بفضل الله وتوفيقة،💕 آذكروني بدعوه لعلكم أقرب مني إلى الله منزلةً
التسميات
تعليم