خطوات تفصيلية عن تقليل الاغتراب واسباب رفضة

خطوات تفصيلية عن تقليل الاغتراب واسباب رفضة

خطوات تفصيلية عن تقليل الاغتراب

اسباب رفض تقليل الاغتراب

توضيح تفصيلي عن خطوات وأسباب رفض تقليل الاغتراب

تقليل الاغتراب ده بيفتح إلكترونى مرتين غالبا وبيعلن عنه فى كل المواقع . مرة بعد نتيجة تنسيق المرحلة الثانية(وممكن بعد تنسيق المرحلة الاولى ) ومرة بعد نتيجة تنسيق المرحلة الثالثة بعد إنتهاء الملاحق (الدور الثانى) بشرط أن يكون الطالب لم يقدم فيها فى المرة السابقة


●●ودى شروط تقليل الإغتراب ..
حيث يعد الغرض الأساسي منه تحويل الطالب، بعد ترشيحه عن طريق مكتب التنسيق، هو تقليل إغتراب الطالب، بحيث يلتحق بكلية في المنطقة (أ)، وليس الغرض من التحويل تغيير رأى الطالب، وإعادة ترشيحه في موقع أخر، وتنقسم عملية التحويل إلى نوعين:


أولا: تحويل إلى كلية مناظرة
ثانيا: تحويل إلى كلية غير مناظرة



⬛ خطوات #تقليل_الاغتراب ⬛


1- هتفتح لينك تقليل الاغتراب اللي هيظهر في  موقع التنسيق الالكتروني
2- هتختار الشهادة: الي هي مدارس الثانوية العامة
3- هتبدأ تسجل بياناتك : الي هي رقم الجلوس والرقم السري الي في الشهادة ، وهتكتب الرقم التأكيدي الي كاتبهولك تحت وبعدين تدوس الخطوة التالية وتكمل تسجيل
4- هتفتح صفحة مكتوب فيها "قائمة جديدة" اضغط عليها
5- هتظهرلك رسالة مكتوب فيها " سيتم مسح قائمة الرغبات الحالية " متخافش اضغط موافق عادي
6- هتفتح صفحة فيها بياناتك اتأكد منها وبعدين دوس" الخطوة التالية"
7- هتفتح صفحة تانية فيها فوق اربع اختيارات:-
- تقليل اغتراب مناظر
- تقليل اغتراب غير مناظر
- معاهد
- الغاء الطلب


🔷 اول حاجة الي هي تقليل_اغتراب_مناظر:

يتم قبول تحويلات في حدود نسبة مئوية يحددها المجلس الأعلى للجامعات بنسبة 10% من الأماكن المقررة لكل كلية, دا هتختارة في حالة ان جاتلك كلية بعيدة وعايز تختار نفس الكلية بس في محافظتك


مثال: لو انت من اسكندرية وجاتلك حقوق طنطا وعايز حقوق اسكندرية ، ساعاتها هتختار تقليل اغتراب مناظر وتختار اسكندرية


حتى لو مش جايب مجموعها " واكيد مش هتكون جايب مجموعها والا كنت قبلت من الاول "


لو مجموعك قريب من الكلية الي هتحولها فبإذن الله هتقبل
لكن لو بعيد فهيكون صعب ، وملهاش مقياس محدد لان دا بيتوقف علي عدد الي مقدمين معاك ومجاميعهم


ملحوظة: لو محافظتك فيها الكلية الي انت عايز تحول ليها فمينفعش تحول لأي محافظة تانية ومش هتلاقي في تقليل الاغتراب غير محافظتك

- يسمح للطالب الذي رشح في كلية ما خارج منطقته الجغرافية (أ)، بالتقدم للتحويل إلى كلية مناظرة في منطقته الجغرافية (أ) فقط، وفقاً لما يلي:

1- فى حالة وجود أكثر من كلية مناظرة في النطاق الجغرافي (أ)، يسمح للطالب الذى رشح لكلية خارج النطاق الجغرافى (أ) بابداء رغبته فى التحويل لأحد الكليات المناظرة داخل النطاق الجغرافى (أ) ذات الحد الأدنى الأقل فى منطقته الجغرافية (أ).

2- يتم تحديد إمكانية التحويل للكليات داخل النطاق الجغرافى طبقا للأعداد والطاقة الاستيعابية للكليات، وترتيب الطالب بين الطلاب الراغبين للتحويل وفى النطاق الجغرافى (أ) للطالب ويتم ترتيب الطلاب طبقا للمجموع، وتحويل العدد الذى حدده المجلس الأعلى للجامعات.

3- وبالنسبة للتحويل المناظر لتقليل الإغتراب في الكليات التي تطبق نظامي القبول (الانتظام - الانتساب الموجه)، فيتم مراعاة الحد الأدنى للقبول في كل نظام من النظامين عند التحويل بين هذه الكليات طبقاً لقرار المجلس الأعلي للجامعات.

وفي حالة ترشيح الطالب إلى كلية ما (انتظام) ويرغب في التحويل إلى كلية مناظرة لتقليل الاغتراب فيكون التحويل في هذه الحالة وفقاً لما يلي:

- إذا كان الطالب حاصل على مجموع درجات يفوق الحد الأدنى لمجموع درجات (الانتساب الموجه) الذي قبل بالكلية التي يرغب في التحويل إليها، فيتم قيده حال الموافقة على تحويله وفق نظام (الانتظام).

- إذا كان الطالب حاصل على مجموع درجات يساوي أو أقل من الحد الأدنى لمجموع درجات (الانتساب الموجه) الذي قبل بالكلية التي يرغب في التحويل إليها، فيتم قيده حال الموافقة على تحويله وفق نظام (الانتساب الموجه).

---------
🔷 تاني اختيار الي هو تقليل_اغتراب_غير_مناظر : 

ودا هتختارة في حالة انك عايز تحول من كلية لكلية تانية خالص


مثال: نفس الطالب الي من اسكندرية لو جالة كلية اداب اسكندرية مثلا او طنطا وعايز يحول لحقوق اسكندرية ، ساعتها هيختار تقليل اغتراب غير مناظر ويختار حقوق


بس في الحالة دي لازم يكون جايب مجموع الكلية الي بيحول ليها
ومش هينفع يحول غير لكلية في محافظتة ، يعني كدا لازم يكون جايب مجموع حقوق اسكندرية عشان ينفع يحول


طيب لو كان جايب مجموع حقوق المنصورة وهو من اسكندرية، لا مش هينفع يحول ،، لازم يكون جايب مجموع الكلية الي في محافظتة


🔷 تالت اختيار وهو المعاهد : هتختار المعاهد لو عايز تحول لاي معهد في محافظتك تكون جايب مجموعة


🔷 رابع اختيار الي هو الغاء_الطلب : هتختارة لو رجعت في كلامك وعايز تلغي تقليل الاغتراب قبل الوقت المتاح لية ما ينتهي ، يعني لو عملت تقليل اغتراب خلاص وسجلتة تقدر تدخل تلغية لو رجعت في كلامك قبل يوم الخميس الي هو اخر يوم في تقليل الاغتراب


8- وبعدين هتدوس الخطوة التالية وتكمل تسجيل
9- هتظهرلك صفحة فيها بيانات سجلها ، الي هي الرقم القومي ورقم الموبايل وممكن تكتب بريد الكتروني او لاء براحتك وكمل البيانات ودوس الخطوة التالية
10- هتظهرلك اخر صفحة الي هي الصفحة البيضة الي بيتكتب فيها رغباتك ، بس هتلاقي فيها رغبة واحدة بس الي انت اختارتها
،اعمل للصفحة اسكرين شوت " صور الشاشة " وبكدا تكون خلصت تسجيل ، ومش فاضل غير انك تستني النتيجة تطلع

◾أسباب رفض تقليل الاغتراب :-

-فى حالة التحويل من كلية إلى كلية أخرى غير مناظرة:
1-أن الكلية التى يرغب فى التحويل إليها تقبل من مجموع أعلى من المجموع الحاصل عليه الطالب.

2-أن مجموع الطالب أقل من أدنى مجموع لنسبة 10% المحددة من المجلس الأعلى للجامعات التى تقبلها من الطلاب.

3-عدم دخول أو نجاح الطالب فى اختبار القدرات اللازم للكلية التى يرغب فى التحويل إليها.

-أما فى حالة التحويل من كلية إلى كلية أخرى مناظرة لها:
1-عدم إلتزام الطالب عند تسجيل رغبات تقليل الاغتراب بقواعد التوزيع الجغرافى.

2-أن مجموع الطالب أقل من أدنى مجموع لنسبة 10% المحددة من المجلس الأعلى للجامعات التى تقبلها من الطلاب (بمعنى لو تقدم 30 طالب لتقليل الاغتراب ونسبة 10% من الطلاب فى الكلية تعادل 9 طلاب فيتم ترتيب الطلاب حسب المجموع واختيار أعلى 9 طلاب فى المجموع).

3-إذا كان الطالب مقيدًا بنظام الانتساب الموجه ويريد التحويل إلى كلية مناظرة في نفس المنطقة الجغرافية بنظام الانتظام سيتم رفض الطلب.

4-الرغبة في التحويل بسبب حالة مرضية يكون من خلال الجامعة بصورة مباشرة وإلا سيتم رفض الطلب.

5-التحويل من وإلى كلية التخطيط العمراني الموجودة في القاهرة يتم من خلال نظام تحويل الكليات غير المناظرة وغير ذلك سيتم رفض الطلب

6-كليات الهندسة الألكترونية بمنوف جامعة المنوفية وهندسة البترول والتعدين بجامعة السويس وهندسة الطاقة بأسوان جامعة أسوان مناظرة لباقى كليات الهندسة للجامعات المصرية الأخرى فقط للطلاب المستجدين

◾ ملحوظة :-
- لو الموقع مبيفتحش معاك ادخل في وقت تاني عشان في ضغط
- تقليل الاغتراب بتختار رغبة واحدة بس
- مينفعش تختار كلية في محافظة تانية وانت عندك نفس الكلية في محافظتك
- لو كنت انتساب ومحافظتك مفهاش انتساب فهتلاقي اقرب كليات ليك فيها انتساب
- مفيش تقليل اغتراب بين "القاهرة عين شمس حلوان"دول بتحول بينهم بعد اول سنة لو جيبت تقدير جيد فأكثر

-يتم التحويل للبرامج الجديدة بكليات الجامعات المصرية عن طريق الجامعات مباشرة وفى حدود الحد الأدنى للقطاع، ويكون التحويل بسبب النقل الإداري عن طريق الجامعة مباشرة وبشرط موافقة الجامعة والكلية المعنية بالتحويل إليها، ويكون التحويل بسبب الحالات المرضية عن طريق الجامعات مباشرة تطبيقاً للمادة (86) من اللائحة التنفيذية لقانون تنظيم الجامعات

● اذا لم يقبل تقليل الإغتراب يتم التحويل ورقيا بين الكليات بعد السنة الاولى

نحن نعدكم بالتميز والإنفراد بفضل الله وتوفيقة،💕 آذكروني بدعوه لعلكم أقرب مني إلى الله منزلةً

تعديل المقال