ملاحظات هامة في المناعة أحياء الثانوية العامة -->
Sec3New Sec3New

ملاحظات هامة في المناعة أحياء الثانوية العامة

شاهد أيضا أجدد مواضيع لصفك متجدد دائما

ولاتنسي الدخول الي القسم الخاص لصفك .للاطلاع علي أقوي المذكرات والاختبارات وأسئلة المهارات طبقا للنظام الجديد ,لضمان حصولك علي الدرجه النهائية

ملاحظات هامة في المناعة أحياء الثانوية العامة


الصورة التالية توضح علاقات هامة للمناعة

العلاقة بين عدد خلايا الدم البيضاء والخلايا الليمفاوية وال البائية B والتائية T والقاتلة الطبيعية NK







ملاحظات هامه على المناعه وبالتحديد في المواد الكميائيه
انتباه 🔊📣🔊👇
💥مواد كيميائية تسمي
1/ الكيموكينات سمعت عنها في المناعه في الانسان
طيب ياتري فين
👇ركز معايا وشوف هقول ايه
في الجزء بتاع المواد الكيميائية المساعده في تعريف
💥الكيموكينات وقلنا تمثل عوامل جذب للخلايا المناعيه البلعميه المتحركه في الدم باعداد كبيره نحو موقع تواحد الميكروبات والاجسام الغريبه وذلك للحد من تكاثر انتشار الميكروب المسبب للمرض
هتقول الحين طيب ايه يعني انا عارف الكلام ده بس خلي بالك في مواد كميائيه اخري تسمى

💥 2/السيتوكينات ودي برضه بتعمل على جذب الخلايا البلعميه الكبيره الي مكان الاصابه باعداد غفيره يعني ذي الكيموكينات
طيب خلي بالك برضه جايه من فين السيتوكينات ؟؟؟
والاجابه تقوم الخلايا التائيه المساعده المنشطه بافراز السيتوكينات وطبعا ده في درس المناعه الخلويه
خلي بالك السيتوكينات لها وظائف اخري افكر بها
تنشيط الخلايا البلعميه الكبيره والخلايا الليمفاويه البائيه B
والانواع الاخرى من الخلايا التائيه السامه Tc وبالتالي يتم تنشيط اليتي المناعه الخلويه الخلطيه

💥3/ خلي بالك مواد كميائيه سمعت عليها اكثر من مره
طيب وايه هي و فين
افكر الانترليوكينات مره سمعت عنها في الجزء بتاع المواد الكميائيه المساعده وقولنا انها تعمل كاداه ربط واتصال بين خلايا الحهاز المناعي المختلفه وربط ايضا بين الجهاز المناعي وخلايا الجسم الاخرى وكذلك مساعده الجهاز المناعي على اداء وظيفته
ومره تانيه سمعت عن الانترليوكينات في درس المناعه الخلطيه وقلنا ان الانترليوكينات تنطلق من الخلايا التائيه المساعده النشطه حيث تعمل الانترليوكينات على تنشيط الخلايا البائيه اللي على سطحها نتيجين الميكروب وبروتين التوافق النسيجي MHC وطبعا انت عارف لما تتنشط الخلايا البائيه تنقسم تعطي خلايا بائيه بلازميه التي تنتج الاجسام المضاده وكذلك خلايا بائيه ليمفاويه ذاكره
كمان سمعت عنها مره ثالثه في المناعه الخلويه لما قلنا ان تقوم الخلايا التائيه المساعده THالمنشطه بإطلاق بروتينات اللي هي الانترليوكينات التي تقوم بتنشيط الخلايا التائيه المساعده اللي ارتبطت بها علشان تنقسم لتكوين سلاله من THمنشطه وكمان خلاياTH ذاكره تبقي في الدم لمده طويله لتتعرف على نفس نوع الانتيجين اذا دخل الحسم مره اخر
ومن هنا يتضح دور الانترليوكينات في مساعده الجهاز المناعي على اداء وظيفته

💥4/ في برضه خلي بالك ابطال مفعول السموم في عالم النبات وفي الانسان برضه سبحان الخالق العظيم
طيب الذاي
شوف المتممات من المواد الكيميائية المساعده في الجهاز الليمفاوي في الانسان ودي لها دور في ابطال مفعول السموم
الذاي
هتلاقيها عزيزي الطالب في طريقه من طرق عمل اللجسام المضاده
حيث تقوم الاجسام المضاده بالارتباط بالسموم وبالتالي يتم تنشيط المتممات حيث تتفاعل المتممات مع السموم تفاعلا متسلسلا يؤدي الي ابطال مفعولها كما يساعد على التهامها من قبل الخلايا البلعميه
وده يقابله في النبات انزيمات نزع السميه وهي انزيمات ينتجها النبات لكي تقوم بالتفاعل مع السموم التي تفرزها الكائنات الممرضه وتبطل سميتها

❤️❤️❤️❤️❤️❤️❤️❤️❤️❤️❤️❤️

طريقة حل مسائل المناعة 👌🏻👌🏻
انا هقول طريقة جديدة من اختراعى 😂
شوف يا سيدى لو انت هتحول من كبير لصغير تضرب ××××
لو هتحول من صغير لكبير تقسم ÷÷÷÷
ركز بقى 👀👀
اكبر حاجة خلايا الدم البيضاء ١٠٠ %
بعدها الخلايا الليمفاوية ٢٠ : ٣٠ %
بعدها التائية ٨٠ %
بعدها البائية ١٠ : ١٥ %
بعدها القاتلة الطبيعية ٥ : ١٠ %

طيب لو انا قلت لك خلايا الدم البيضاء ٨٠٠٠ احسب متوسط الخلايا التائية ؟؟

أول خطوة خلايا الدم البيضاء دى الكبيرة هجيب منها الليمفاوية دى الصغيرة يبقى اضرب
اضرب ٨٠٠٠ × ٢٥ وبعدها حط علامة % على الالة الحاسبة هيدينى ٢٠٠٠

انا كده معايا الليمفاوية ب ٢٠٠٠ ودى الكبيرة عاوز اجيب متوسط التائية ودى الصغيرة يبقى نضرب تانى
٢٠٠٠ × ٨٠ ونحط بعدها علامة % على الالة هتلاقى الناتج ١٦٠٠ وكده المسألة اتحلت
الفكرة انك تبقى فاهم هتحول من كبير لصغير ولا العكس وبتضرب أو بتقسم فى النسبة إللى انت حافظها

💐💐💐💐💐💐💐💐💐 

 انتبه عزيزي الطالب في السؤال التالي ماذا يحدث اذا اصابه النبات بكتيريا سامه تفتكر هتكون الاجابه ايه ؟؟؟؟؟
 الاجابه اولا يقوم النبات بزياده تركيز المستقبلات التي تدرك الميكروب وتنشط دفاعات النبات بتحفيز وسائل جهاز المناعه الموروثه. ثانيا يتخلص النبات من البكتيريا وذلك بافراز. الفينولات و الجلوكوزيدات وهي مركبات كيميائيه سامه تقتل الكائنات الممرضه مثل البكتيريا او تثبط نموها. ثالثا التخلص من سموم البكتيريا وذلك عن طريق افراز بروتينات مضاده للكائنات الدقيقه و هي البروتينات غير موجوده اصلا في النبات ولكنه يستحث انتاجها نتيجه الاصابه حيث تتفاعل مع السموم التي تفرزها الكائنات الممرضه وتحويلها الى مركبات غير سامه للنبات مثال انزيمات نزع السميه حيث تتفاعل هذه الانزيمات مع السموم التي تفرزها الكائنات الممرضه

للملاحظات التاليه. خلي بالك منها
 اولا /احنا سمعنا كلمه مستقبلات اكثر من مره يا.ترى فين فين؟؟؟؟؟
 1/ ايون في النبات طيب الزاي. الاجابه في المناعه البيوكيميائيه في النبات برضه الذاي المستقبلات هي مركبات توجد في النباتات. السليمه و المصابه خلي بالك الا ان تركيزها يزداد في النباتات عقب الاصابه تمام كده احنا فهمنا بس. استنوا وظيفتها ايه. الاجابه 1/ ادراك وجود الميكروب. 

 2/ تنشيط دفاعات النبات بتحفيز وسائل الجهاز المناعه الموروثه فيه طيب سمعنا عن الكلمه مستقبلات فين تاني. الاجابه في المناعه في الانسان طيب ازاي برضه الاجابه ‏لكي يقوم الجهاز المناعي بمهامه في حماية الجسم من الإصابة بالميكروبات يتوجب عليه. اكتشاف دخول تلك الميكروبات أولا، ويتم ذلك بواسطة المستقبلات المناعية حيث يؤدي ارتباط. المستقبل المناعي بالمستضد إلى تنشيط الكريات البيضاء وتحفيز اطلاق استجابة مناعية. هاعطي لك مثل وهذا مثال وليس للحصر عند. دخول كائن ممرض حامل على سطحه انتيجين او. مستضدات معينه الى الجسم تتعرف عليه الخلايا. اللمفاويه البائيه المتخصصه ثم تلتصق به بواسطه. المستقبلات المناعيه الموجوده على سطحها. المستقبلات عبارة عن بروتينات وظيفية تتركز أساسا على الغلاف الخارجي للخلايا الحية. ثانيا الكيوتين سمعنا في اكتر من مره له دور في الدعامه الفسيولوجيه وله دور في الدعامه التركيبيه وهذا سبق الاشاره له في المنشور السابق ولكن الكيوتين ايضا له دور في المناعه التركيبيه الموجوده اصلا في النبات طيب ازاى. الاجابه الكويتين طبقه تفرز علي جدر خلايا البشره الخارجيه فتمنع استقرار الماء عليها فلا يتوفر البيئه المناسبه لنمو الفطريات و تكاثر البكتيريا. ثالثا الجدار الخلوي له دور في الدعامه في النبات وكذلك المناعه في النبات طيب الزاي. الاجابه يمثل الجدار الخلوي الواقي الخارجي للخلايا خاصه خلايا طبقه البشره الخارجيه حيث انه يتكون بصفه اساسيه من سليلوز وبعد تغلظه بالجنين يصبح صلبا و كلمه صلبا يعني هنا دعامه وكذلك يؤدي الصلابه الى صعوبه اختراق الكائنات الممرضه له يبقى اذن هنا له دور في المناعه ،

 ملحوظه هامه هناك بعض التعبيرات او المفاهيم يختلط الامر عليكم فيها مثل (منقوله عن استاذنا الفاضل حسن محرم. ). 
 1/ مفهوم تربيه النباتيه و الهندسه الوراثيه خلي بالك التربيه النباتيه يخلط بين سلالات نباتيه. مختلفه للحصول على سلاله اكثر مقاومه للامراض طيب هشوف الجزء ده فين موجود في دور الانسان في حمايه النبات من الكائنات الممرضه و لكن الهندسه الوراثيه عباره عن ادخال جينات بصفات مرغوب فيها محل الجينات بصفات غير مرغوب فيه
اترككم في راعيه الله وامنه واللي اللقاء في منشور اخر .

🌿🌿🌿🌿🌿🌿🌿🌿🌿🌿🌿🌿


هناك علاقه ببن الخلابا البلعميه الكبيره الدواره والكيموكينات
والانترلبوكينات والسيتوكينات
طيب الذاي ده يحصل
الحين عندي ميكروب في الدم او الليمف اوحتي داخل الخلايا يعني في مكان معين هنا ياتي دور (الكيموكينات) وتقول للخلايا البلعميه تعالي بسرعه هنا في ميكروب تمام كده يعتي هنا الكيموكينات تمثل عوامل جذب للخلايا البلعميه المتحركه مع الدم باعداد كبيره تمام
طبعا الخلايا البلعميه هتنفذ الامر وبسرعه هتروح لمكان الميكروب وهي بدورها هتبتلع الميكروب بالانتيجين بتاعه ثم تفصل الانتيجين وتفككه الي اجزاء صغيره بواسطه انزيماتها تمام وبعدين تربط الانتيجين المفكك مع بروتين التوافق النسيجيMHC ثم تعرضه على سطحها ومن هنا تعمل الخلايا البلعميه الكبيره الدواره على حمل المعلومات التي تم جمعها عن الميكروب لتقديمها الي الخلايا المناعيه المتخصصه ومنها التائيه وهنا ياتي دور التائيه المساعدهTH حيث ترتبط بالمركب السابق اللي بيتكون من الانتيجين مع بروتين التوافق النسيجي وذلك عن طريق مستقبلتها اللي هيCD4 طيب ايه يعني هيحصل ايه ؟؟؟

ايون فتتحول الي خلايا تائيه مساعده نشطه فتقوم الخلايا TH المنشطه
1/ باطلاق( الانترليوكينات ) تعمل كاداه اتصال او ربط بين خلايا الجهاز المناعي المختلفه ومساعده الجهاز المناعي على اداء وظيفته المناعيه طيب الذاي
حيث نقوم الانترليوكينات بتنشيط وتحفيز الخلايا التائيه المساعده الاخرى ااتى ترتبط بها كي تنقسم لتكون خلايا تائيه المساعده THالمنشطه وكمان خلايا تائيه ذاكره ذي ماانت عزيزي الطالب عارف

2/تقوم ايضا THالمنشطه بافراز بروتينات (السيتوكينات) ودي تشبه الانترليوكينات ايضا في جذب الخلايا البلعميه الكبيره الي مكان الاصابه ومش كده بس دي بتقوم بتنشيط الخلايا البلعميه الكبيره والخلايا الليمفاويه البائيه Bوالانواع الاخري من الخلايا التائيه السامه TCوكذلك تنشيط الخلايا NK
وتتعرف Tc التائيه السامه بواسطه المستقبلCD8 الموجود عل سطحها على الاجسام الغريبه وكمان انتيجين الميكروب
التي تدخل الجسم حيث تقضي عليها عن طريق بروتين
البيرفورين كمان السموم الليمفاوبه طبعا انت عارف عزيزي الطالب بعد القضاء على الميكروب يتم تنشيط TS طبعا انت عارف الذاي من اجل ان نصل الي استجابه مناعيه للحد المطلوب
عزيزي الطالب
انا اردت من هذا المنشور ان تربط بين الحلايا البلعميه الكبيره الدواره والمواذ الكيميائية مثل الكيموكينات
والانترليوكينات خلايا التائيه بانواعها وكمان السيتوكينات
كمان بروتين البيرفورين كمان السموم الليمفاويه

📖📖📖📖📖📖📖📖📖📖📖
ملاحظات هامه في أليه عمل الجهاز المناعي في جسم الانسان احنا وصلنا في المنشور السابق في الحكايه ان الجهاز المناعي قدر يتغلب على مسببات المرض اللى في الدم والليمف يعني في سوائل الجسم والجديدة في الموضوع ان الجهاز المناعي بيتحدي مسبب مرض دخل جوه الخليه
سالته الذاي جاوب عليا وقال الجسم المضاد عباره عن ماده بروتينيه كبيره الحجم مش تقدر تنفذ من غشاء الخليه وراء مسبب المرض داخل الخليه علشان كده مش تنفع المناعه الخلطيه بس الحمد لله ربنا عز وجل وهب لي المناعه الخلويه ودي الاليه التانيه بتاعت خط الدفاع الثالث وهي المناعه المكتسبه ايضا
قلت له مين ابطال هذه المناعه ؟ رد عليا وقال الخلايا التائيه T وطبعا دي الاساس وطبعا في وجود الخلايا البلعميه الكبيره يعني دي استجابه المناعيه اللي بتقوم بها الخلايا التائيه بواسطه المستقبلات الموجوده علي اغشيتها التي تكسبها الاستجابه النوعيه للانتيجين
طيب عزيزي الطالب يعني ايه الاستجابه النوعيه للاتيجينات
بص معايا
الخلايا التائيه طبعا بتنضج في الغده التيموسيه اللي بتفرز هرمون التيموسين وطبعا بتتمايز الي انواعها الثلاثه اثناء النضج فتنتج كل خليه تائيه نوعا من المستقبلات الخاصه بغشائها وبالتالي تقدر كل نوع من المستقبلات الارتباط بنوع واحد من الانتيجينات يعني وجود المستقبل مهم علشان التعرف والارتباط بانتيجين الميكروب
طيب ليه الخلايا الجزعيه مش تقدر تتعرف وترتبط بانتيجين الميكروب
الاجابه لان الخلايا الجزعيه لم يتم نضجها ولم يتم تمايزها وبالتالي مش عليها مستقبلات
طيب ايه مراحل المناعه الخلويه ركز اوي معى عزيزي الطالب اولا مرحله التعارف ودي بتم بين االخلايا البلعميه
وانتجين الميكروب سواء كان موجود وحده او على سطح الميكروب ويتم التعارف ايضا على الخلايا المصابه بالسرطان اللي بتحمل على سطحها الانتيجين هتسأل عزيزي الطالب الذاي الانتجين وحده؟؟؟ الاجابه ده ممكن اثناء عمليه التطعيم ضد اي ميكروب ممكن اعطاء الطفل انتيجين الميكروب فقط المهم ان الخلايا البلعميه يتقوم بتفكيك الانتيجين الي اجزاء صغيره حيث ترتبط هذه الاجزاء ب MHC داخل الخلايا البلعميه حيث ينقل هذا المركب الي سطحها وتصبح عارضه الانتيجين
مرحله الثانيه التنشيط
ملحوظه قلبوظه
خلي بالك عزيزي الطالب ان مستقبل THهي CD4 هنا
تمام التنشيط هنا للخلايا التائيه وده نتج نتيجه ارتباط مستقبلاتها CD4 بالمركب السابق ذكره اللي معروض علي سطح الخلايا البلعميه الكبيره
طيب وبعدين في خلايا تائيه اخري زعلانه عايزه تتنشط مين بقه اللي هينشطها
طبعا الخلايا التائيه المنشطه سابقا طيب الزاي عن طريق ان THالمنشطه اطلاق بروتينات الانترليوكينات علي الخلايا التائيه الاخري اللي ارتبطت بها
ثالثا مرحله الانقسام والتمايز هذه الخلاياTH المنشطه التانيه اي الاخيره هي اللي تنقسم الى 1) TH نشطه 
2)وخلايا ذاكره تبقي في الدم للتعرف على نفس الانتجين اذا دخل الجسم مره اخرى
وكمان الخلايا THالمنشطه لها دور تاني كمان غير اطلاق بروتينات الانترليوكينات خلي بالك عزيزي الطالب وهي افراز السيتوكينات ودي تشبه الكيموكينات
حيث تعمل على جذب الخلايا البلعميه الكبيره الي مكان الاصابه باعداد كبيره

4) التنفيذ ودي اللي هتقوم بها الخلايا المنشطه مثل البائيه في انتاج الاجسام المضاده وكمان TcوNK لها دور في التنفيذ فيما يلي يتم توضيح ذلك
هنا بقه في سؤال مهم جدا عزيزي الطالب ليه المناغه الخلويه افضل من المناعه الخلطيه ؟؟؟
الاجابه لان
1) الخلويه يتبعها خلطيه طيب الزاي
علشان بيتم افراز السيتوكينات يتم تنشيط الخلايا B وبالتالي هيتم انتاج الاجسام المضاده ودي تابع للمناعه الخلطيه
نرجع نقول يتم تنشيط ايضا الخلايا البلعميه الكبيره والخلايا التائيه السامه اللي Tc بالاضافه الي B وبالنالي يتم تنشيط الاليتين

2) والخلويه ايضا لها عده استجابات اخري يعني لما تنشط NK هيتم مهاجم خلايا الجسم الغير طبيعيه مثل السرطانية وذلك عن طريق الانزيمات خلي بالك عزيزي الطالب تهاجم الخلايا التائيه السامهTC الخلايا السرطانيه بطريقه تختلف عن NK طيب الذاي الاجابه Tcعنها مستقبلات خلي بالك اسمها CD8 تتعرف عن طريق هذه المستقبلات على الاجسام الغريبه وكمان المزروعه وخلايا السرطانيه وترتبط بها ثم تقضي عليها عن طريق بروتين البيروفورين يثقب غشاء الجسم الغريب وكمان تفرز سموم ليمفاويه علشان تنشط جينات معينه في نواه الخلايا المصابه مما يؤدي تفتيت نواه الخليه وموتها
ملحوظه اخيره يتم وضع المريض اللي زارع اي عضو في غرفه العنايه المركزه وده علشان لايدخل اي ميكروب فيتم تنشيط Tc وبالتالي هتاجم العضو المزروع فالعنايه المركزه دي غرفه مجهزه ومعقمه لعدم دخول الميكروب باذن الله تعالى



🌊🌊🌊🌊🌊🌊🌊🌊🌊🌊🌊
 اهلا بكم مع اخر جزء في حكايه آليه عمل الجهاز المناعي المناعه

احنا اخر حاجه تكلمنا عليها هي دور الخلايا التائيه السامه في المناعه الخلويه
والحين الجسم بيقول الحمد لله خلاص تم القضاء على الميكروب والحمد لله ايضا الان يتم تثبيط الاستجابه المناعيه طيب الذاي وليه ؟
ليه علشان لو لم يتم التثبيط هذه الخلايا بعد الشفاء قد تؤدي الي ان تهاجم هذه خلايا خلايا الجسم نفسه
هي كده ادت عملها خلاص كده مفروض بقه تتناقص عددها الي ان تصل الي الحد الطبيعي لها في الجسم
الذاي يلاحظ ان في امر من الله عز وجل للخلايا التائيه المثبطه او الكابحه Ts بانها ترتبط بواسطه مستقبل CD8الموجود على سطحها مع الخلايا البائيه البلازميه وكمان مع التائيه المساعده TH وكمان Tc وذلك لتحفيزها على افراز الليفوكينات التي تكبح وتعطل الاستجابه المناعيه وتعطلها مما يؤدي الي توقف الخلايا البائيه البلازميه عن انتاج الاجسام المضاده وموت كثير من الخلايا التائيه المساعده المنشطه والسامه بس خلي بالك عزيزي الطالب هي مش بتخلص منها كلها لاطبعا ده بتصل بها الي المستوي الطبيعي في الجسم علشان كده بعد انتهاء من المرض يلاحظ ان عدد خلايا Tsالكابحه في زياده ببنما عدد الخلايا البائيه البلازميه والتائيه المنشطه والسامه قلت ووصلت الي الحد الطبيعي لها في الجسم
ركز معايا عزيزي الطالب في سؤال بيجي رسمه وبعدين بسالك شويه اسئله
(اسئله منقول عن استاذنا الفاضل حسن محرم )
الاجابه الخلايا اللي بتزيد عددها من ب الي ج هي الخلايا التائيه المثبطه Ts بينما الخلايا اللي بتقل هنا الخلايا البائيه البلازميه وباتالي بيقل عدد الاجسام المضاده وده بعد الشفاء ده اول نقطه النقطه الثانيه بيقول في اي منحني تظهر اعراض المرض ???
الاجابه المنحنى م الاول طبعا اللي فيه الاستجابه المناعيه الاوليه وذلك بتكون هذه الاستجابه بطيئه تستغرق فتره زمنيه من 5الى10ايام وبالتالى يؤدي الى انتشار الميكروب فيظهر اعراض المرض
طيب ليه ماتكونش الاجابه المنحنى ن اللي هو الاستجابة المتاعيه الثانويه لا طبعا علشان دي تستغرق فتره زمنيه قصير ه لا يحدث فيها التعرف على الميكروب ولايتم فيها مرحله التنشيط ولكن يتم فيها مباشرة انقسام للخلايا الزاكره البائيه الي بلازميه تعطي اجسام مضاده وكمان زاكره مره اخرى علشان كده لا ينتشر المرض ولا يظهر اعراضه بال يتم القضاء عليه مباشرة
طيب عزيزي الطالب في كمان سؤال بيقول ايهما اكثر كفائه مناعيه النصف العلوي من الامعاء الدقيقه ام النصف السفلي ولماذا
الاجابه النصف السفلي لوجود بقع باير التي تنتشر في الغشاء المخاطي المبطن للجزء السفلي من الامعاء الدقيقه وطبعا لها وظيفه مناعيه حيث تلعب دورا في الاستجابة المناعيه ضد الكائنات الحيه الدقبقه التي تدخل الامعاء وتسبب الامراض،
وفي ختام حكايه اليه عمل الجهاز المناعي اترككم في رعايه الله وامنه واللي اللقاء في منشور اخر


المصدر:-
أ/منال الكومي
Hala Safwa

يسعدنا وجودك معنا-ونرجوا مشاركتنا بتعليقك

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

جميع الحقوق محفوظة

Sec3New

2021